Google het ook nou ‘n blaaier, Google Chrome.

Ek het die blaaier ‘n bietjie uitgetoets, en dit werk. Laai dit maar self af ek kyk dit uit indien jy lus voel vir nog ‘n web blaaier. Onthou dat Google Chrome nog in Beta is.

OK, eers die slegte nuus. Die volgende persone en organisasies word onmiddelik in die pad gesteek. Geen donasie of hulp sal vir ‘n minuut langer aan hulle verskaf word nie. In geen spesifieke volgorde nie.

1. Die karwag. Jy trek mos jou neus op vir R2. Wel, fok jou, asshole! Trek van nou af jou neus op vir niks, want jy gaan fokkol by my kry nie. Brand in die son en kry velkanker. Reën nat en kry longontsteking. Krap my kar en word kliphard gedonner.

2.  Die doos met die bedel-bordjie by die stopstraat. Jy wip jou vuil gat vir ‘n brood en ‘n pakkie slaptjips. Jy soek eerder geld. Vir wat staan daar dan op jou bordjie “Enige donasies, kos…”? He!? Ek het vanmiddag van dieselfde vars witbrood en lekker slaptjips gehad vir middagete. Wat verwag jy as jy bedel? Kaviaar en Franse champagne? Gaan kak, jou moroon! Gaan slaap honger en droom van die brood en tjips vanaand. Eet vrot kos uit die asblik en kry voedselvergiftiging. Kots jou longe uit. Kry tandpyn.

3. Die ouetehuis. Julle kry elke maand R250, o ja, sorry, korreksie, julle HET elke maand R250 gekry. Julle gaan nie meer nie. Julle is plein ongeskik en gedra julle soos ‘n klomp werfetters. Skree ten hemele en bid vir geldnote om op julle neer te daal. Vasbyt, min dae!

4. Die weeshuis. Ja, sorry, julle ook. Die lys wat julle vir my gestuur het, is vol luukses en demands wat gemiddelde kinders in ouerhuise nie eens het nie. Daaruit lei ek af dat dit op die oomblik nie so sleg gaan met julle as wat julle voorgee nie. Julle ag dit ook nie nodig om navrae te beantwoord nie. Dus: You’re fired!

Dit was dan die slegste nuus.

Dit is ook vir my vandag ‘n vreugde om die goeie nuus aan te kondig. Bogenoemde vakatures wat na afleggings ontstaan het, word onmiddelik gevul. Dit is vir my baie aangenaam om die volgende aan te stel:

Die katte en honde wat liefde, kos en ‘n warm slaapplek benodig.

Al kan ek nie almal van julle help nie, stuur ek al my bydraes aan julle en maak my hart oop vir julle.

Die klein hondjies en katjies wat net vasgehou wil word. Die groot honde wat opgewonde lek as hulle ‘n vryf agter die kop kry en mens met hulle by die shelter gaan stap.

Die katte wat knus en tevrede op ‘n tweedehandse kombers opkrul.

‘n Nat neusie, ‘n poot vol modder, lang hare, kort hare en sagte hare. ‘n Warm puppy en ‘n groot tong oor die gesig. Onskuldige ogies wat blink. Die reuk van ‘n klein hondjie en die sagte lyfie van ‘n katjie.

Geluk met julle aanstelling. Mag julle sterte swaai en julle spin van geluk.

Lekker, die lente is hier. Verbeel ek my of is daar ‘n effense koue byt in die lug? Seker maar die winter se laaste stuiptrekkings.

Daar is verskeie maniere om die klankbaan van ‘n DVD af te “rip”. Jy kan byvoorbeeld die klank op jou hardeskyf opneem vanaf jou rekenaar se klankkaart terwyl die DVD speel. Dit vat lank. Jy moet die hele DVD speel terwyl die klank opneem en as jy op jou rekenaar werk kan daar “beep” en “peep” geluide bykom.

Om sagteware te gebruik wat die DVD direk na MP3 toe “rip” is ook nie juis ‘n goeie idee nie. Jy kan later die klankbaan wil opdeel in “tracks” en elke keer wat jy die MP3 lêer invoer, verander en weer uitvoer, gaan van die klank se gehalte verlore. Dit is dus beter om die DVD se klank te stoor in byvoorbeeld Waveform of FLAC formaat. Jy kan dan die klankbaan redigeer en wanneer jy tevrede is, die finale produk uitvoer na MP3 formaat. Dan kan jy luister na ouma wat in die kerkkoor sing op jou MP3-speler of in die kar speel terwyl jy werk toe ry.

Jy benodig:

1. Die DVD

2. Genoeg stoorplek op jou hardeskyf.

3. ‘n “Transcoder”. Laai solank MediaCoder af en installeer.

4. Jy moet weet hoe om die “.VOB” lêers op ‘n DVD te vind. Lees deur die vorige inskrywing indien jy nie weet hoe nie. Jy kan of direk vanaf die DVD werk, of eers die “.VOB” lêers na jou rekenaar se hardeskyf toe kopieër en van daar af werk. Vanaf jou hardeskyf kan jy die lêers uitwis wat die menus se beelde en klank en ander goed bevat waarna jy nie wil luister nie.

Metode:

Nadat jy MediaCoder geïnstalleer het, maak die program oop. Jy sal sien dat jou verstek blaaier ook oopmaak en na MediaCoder se webtuiste toe gaan. Lees maar daar deur as jy wil.

MediaCoder nadat die program oopgemaak het. (Kliek op die prentjie om ‘n groter weergawe te sien.)

Dit mag dalk lyk asof daar genoeg opsies en knoppies en goed is om ‘n vliegtuig te laat opstyg, maar dit is heel maklik om te gebruik.

Net onder “Total Tasks” sal jy sien daar is ‘n klomp knoppies. Audio, Video, Demuxer, Muxer… ensovoorts. Jy gaan net “Audio” en “Video” gebruik.

Hier is die twee knoppies met rooi omkring:

Kliek nou op die “Audio” knoppie. Verstel die Audio se opsies as volg:

By die “Source” kan jy maar “Auto Select” merk.

BY “Encoder” kies jy “Waveform”. Kyk mooi, daar is ‘n “WavPack” ook, moenie dit kies nie.

“Resample” kan jy laat as “Original”.

“Channel” kan jy laat as “Original”, maar dit kan makliker wees om met die lêer later te werk as jy  ”Stereo” kies.

Die “Audio ID” kan jy maar ooplaat of die waarde los indien daar een is.

By “Gain” kan jy dit maar 0dB los.

Aan die regterkant, onder die “PCM” knoppie, merk jy by die “Output” die “Waveform File” opsie.

Dit is dan die “Audio” se verstellings. Die “Video” s’n is nog makliker.

Kliek op die “Video” knoppie en dan maak jy seker “Enable video” is NIE gemerk NIE.

Daarsy. Jy is nou klaar met die verstellings. Nou kan jy net die “.VOB” lêers byvoeg en begin “transcode”.

Jy kliek nou op die “Add” icon en dan op “Add File”. Jy sal sien dat jy sommer die hele folder ook kan byvoeg, maar dit is raadsaam om eers net een lêer by te voeg en die lêer te transcode sodat jy kan sien of die proses vlot verloop.

Nadat die dialoog oopgemaak het, navigeer na die “.VOB” lêers toe, kliek op die lêer wat jy wil transcode en kliek op “Open”. Onthou as jy direk van die DVD af werk, moet die DVD in die aandrywer wees en die aandrywer moenie in gebruik wees nie.

Jy sal sien dat die “.VOB” lêer nou bygevoeg is.

Nou moet jy nog net die “Output Folder” spesifiseer. Indien die “.VOB” lêers op jou hardeskyf is, kan jy dit laat as “<Original Folder>” of jy kan ‘n ander folder skep en deur op die knoppie met die “…” te kliek na die folder toe navigeer. Indien jy direk vanaf die DVD werk, sal jy ‘n folder op jou hardeskyf moet spesifiseer.

Jy is nou gereed. Transcode die lêer.

Kliek op “Transcode” en dan “Start Transcoding” of druk net “F5″ op jou sleutelbord.

Die proses al begin. Kliek op die prentjie hier onder vir ‘n groter weergawe.

Wanneer die proses klaar is, sal jy ‘n boodskap “Task completed” met nog inligting kry. Kliek dan net op “OK”.

Maak nou jou “Output Folder” oop en kyk vir die “.wav” lêer.

Dubbel-kliek op die “.wav” lêer. Jou media player sal oopmaak en die klank speel.

Foutopsporing:

1. Hoekom is die “.wav” lêer so verskriklik groot?

Waveform is ‘n “lossless” formaat. Jy kan dan die klank redigeer sonder om kwalitiet te verloor en dan die finale produk een maal uitvoer na MP3 toe, wat baie kleiner sal wees.

2. Die gehalte van die klank is baie swak.

Die rede vir swak klank is waarskynlik omdat die oorspronklike klankbaan op die DVD swak is. Kyk na die DVD deur dit in die aandrywer te plaas en te speel en vergelyk die klank.

3.  Error loading PCM. No file is outputed.

Jy werk direk van die DVD af wat in die aandrywer is en jy het die “Output Folder” as <Original Folder> gelaat. Wanneer jy direk van die DVD af werk, spesifiseer ‘n output folder op jou rekenaar se hardeskyf.